जापानमा नेपाली समुदायका हकहित, सुरक्षा र सहयोगका लागि नेपाली दूतावास र एनआरएनए जापानले मिलेर कार्य गर्ने जापानमा नेपाली समुदायका हकहित, सुरक्षा र सहयोगका लागि नेपाली दूतावासले एनआरएनए जापानसंग विगतदेखि गर्दै आईरहेको सहकार्यलाई निरन्तरता दिदै मिलेर कार्य गर्न पूर्ण प्रतिबद्ध रहेको जनाएको छ ।जापानका लागि नेपाली राजदूतावास टोकियो जापानले शनिबार एनआरएनए जापानको नवनिर्वाचित राष्ट्रिय समन्वय परिषद्का पदाधिकारी र सदस्यहरूको लागि आयोजना गरेको स्वागत तथा शुभकामना आदानप्रदान कार्यक्रममा राजदूत डा दुर्गाबहादुर सुवेदीले उक्त प्रतिवद्दता व्यक्त गरेका हुन । एनआरएनए जापान र दूतावासका बिचको सहकार्य र सुसम्बन्धका कारण जापानस्थित नेपाली समुदाय, विश्वभरका नेपाली माझ र देशमा पनि सकारात्मक सन्देश गएको उल्लेख गर्दै राजदूत डा सुवेदीले यो सहकार्यलाई निरन्तरता दिनका लागि आग्रह गरे ।‘दूतावास एनआरएनए जापानको टिमसंग मिलेर हरेक कार्य गर्न पूर्ण प्रतिबद्ध छ ।’ नवनिर्वाचित एनआरएनए जापानको टिमलाई स्वागत गर्दै राजदूत डा सुवेदीले भने- ‘ हामी सकारात्मक पनि छौ, रचनात्मक पनि छौ, कुनै पनि पदीय अहंकार नराखीकन दाजुभाइ दिदी बहिनीको व्यवहार गरेर हरेक कार्यसम्पादन गर्ने छौ । एनआरएनए जापानलाई सफल बनाउनु भनेको एम्बेसी पनि सफल हुनु हो भन्दै राजदूत सुवेदीले एम्बेसी सफल हुनु भनेको नेपाली समाज नै सफल हुनु भएकोले सहकार्य र सुसम्बन्धलाई मुख्य आधार मानेर काम गर्नुपर्नेमा जोड दिए ।जापानमा नेपालीको संख्या बढ़ेसंगै समृद्धि र पूँजी मात्र बढेको नभई समस्या पनि बढेर गएको तर्फ इगित गर्दै डा सुवेदीले यस्ता समस्याको समाधानका लागि एनआरएनए जापान र दूतावास मिलेर सहकार्य गरिनु आवश्यक भएको बताए । ‘नेपालीको संख्या बढ्दै जादा समृद्धि पनि भएको र समस्या पनि बढेर गएका छन।’ उनले भने- “समस्याको समाधानमा मिलेर काम गर्न आवश्यक छ । “दूतावासमा कर्मचारीको संख्या कमी भएकोले प्रभावकारी सेवामा असर परेको बताउदै कामको चाप बढीरहेकोले यसको व्यवस्थापनमा एनआरएनए जापान र दूतावासले सहकार्य गरेर जानु आवश्यक रहेको राजदूत डा सुवेदीको भनाई छ ।एनआरएनए जापानले हटलाइन टेलीफोन सेवा संचालनमा ल्याएपछि दूतावासको कामको बोझ केहि कमी आएको उक्त अवसरमा राजदूतले बताए । दूतावासको टेलिफोन नउठ्ने समस्या पनि कर्मचारीको कमीले गर्दा भएकोले नेपाल सरकारले दूतावासका लागि कर्मचारी थप प्रक्रिया अगाडि बढाइने आश्वासन दिएकाले कर्मचारी बढ़ेसंगै यो समस्या हटेर जाने उनले बताए । कार्यक्रममा बोल्दै एनआरएनए जापानका अध्यक्ष नविन निउरेले नेपाली दूतावासद्वारा प्रदान गरिने सेवा जापानमा रहेका नेपाली नागरिकलाई छिटो छारितो, सहज सरल र पहुँच योग्य बनाउन घुम्ती सेवालाई वार्षिक नियमित कार्यक्रमकै रूपमा राखेर लैजानु पर्ने बताए ।एनआरएनए जापानले गत वर्ष पनि सक्रिय रूपमा घुम्ती सेवा संचालनका लागि दूतावासलाई सहयोग गरेको उल्लेख गर्दै यस वर्ष पनि विगतका सिकाईलाई आत्मसात् गर्दै एनआरएनए जापानका क्षेत्रीय समितिलाई बढी ज़िम्मेवार दिने गरि आफूहरू सहयोग गर्न तयार रहेको बताए ।नेपाली समुदायमा आईपर्ने समस्या र त्यसको समाधानका लागि दूतावास, एनआरएनए र सामाजिक संघ संस्था मिलेर प्रभावकारी कार्यक्रम संचालन गरिनु पर्ने आवश्यकता औल्याउदै अध्यक्ष निउरेले दूतावास र एनआरएनएका बीचमा सस्थागत सहकार्यलाई जोड़ दिई सूचना आदानप्रदान गरिनुपर्ने बताए । जापानमा नेपालीको संख्या वृद्धि भएको तर दूतावासमा कर्मचारीको कमीले सेवा प्रवाहमा सहज सरल र व्यवस्थित गराउन नसकेको कुरालाई मध्यनजर गरि यसको समाधानका लागि नेपाल सरकारलाई ज्ञापन पत्र बुझाउइ एनआरएनए जापानले आवश्यक पहलक़दमी लिने अध्यक्ष निउरेको भनाई छ ।कार्यक्रममा अध्यक्ष निउरे उपाध्यक्ष सिद्दार्थ श्रेष्ठ, महासचिव टिकाराम खरेल, सचिव चन्द्राकुमारी केसी, प्रवक्ता खगराज गौतम सदस्य रामु कंडेल, मन्जु बन, राम बस्तोला लगायतको उपस्थिति रहेको थियो । एनआरएनए जापानको नव निर्वाचित कार्यसमितिलाई पुष्पगुच्छासहित राजदूतसहितको टिमले स्वागत गरेको थियो । औपचारिक कार्यक्रम उप नियोग प्रमुख अम्बिकाप्रसाद जोशीले संचालन गरेका थिए ।  

नेपालमा लगानी भित्राउन लगानी मैत्री वातावरण बनाइनु आवश्यक छ।-डा बद्री केसी एनआरएनए आइसीसी कार्यकारी अध्यक्ष नेपाल राष्ट्रको नै रेटिङ नभएकाले विदेशीहरू नेपालमा लगानी गर्न इच्छुक नभएकोले त्यसका निम्ति सरकारले आवश्यक नीति बनाएर लगानी मैत्री वातावरण बनाउनु पर्ने कार्यकारी अध्यक्ष डा बद्री केसीको भनाई छ ।  एनआरएनए जापानले शुक्रबार टोकियोमा आयोजना गरेको अन्तरक्रिया कार्यक्रममा बोल्दै जापान भ्रमणमा रहेका कार्यकारी अध्यक्ष डा केसीले सो कुरा बताएका हुन ।  ‘वैदेशिक लगानी भित्राउनका लागि एनआरएनएले पुलको रूपमा कार्य गरिरहेको र आगामी दिनमा पनि गर्ने छ ।’ डा केसीले भने- लगानी गर्ने बिश्वासनीय वातावरण सृजना गर्न नेपाल सरकारले नै तदारूपता देखाउनु आवश्यक छ ।  वैधानिक बाटोबाट वार्षिक १३ खर्ब विप्रेषण भित्रिने गरेको तर नेपालले १७ खर्ब आयातमा खर्च गर्नुपर्ने वाद्यात्मक अवस्था अहिले नेपालको रहेकोले अर्थतन्त्र सुधारका लागि एनआरएनए हरू नै उपयुक्त रहेकोले नीति नियमलाई सहज र सरल बनाउनका लागि उनले सरकार समक्ष माग समेत गरे ।  एनआरएनएले विदेशमा बस्ने नेपाली एनआरएनएको लागि धेरै नीतिगत रूपमा सुधार गरेको फेहरिस्त बताउदै अध्यक्ष डा केसीले भने- ग़ैर आवासीय नेपाली नागरिकता लागू भएपछि नेपालमा लगानी भित्रने मेरो विश्वास छ ।  नेपालमा एनआरएनएले गर्ने लगानीको लागि सिमाको प्रावधानमा सुधार समेत भएकोले यसले लगानीका लागि सकारात्मक प्रभाव पार्ने बताए ।  अन्तरक्रियाको वक्ताका रूपमा रहेका आइसीसी सचिब खगेन्द्र न्यौपानेले नेपालमा लगानीको लागि एनआरएनएले प्रोत्साहन गर्दै आइरहेको बताए । एनआरएनएको पहलमा नेपाल सरकारले हालै सुरु गरेको सामाजिक सुरक्षा कोषमा आबद्द हुनका लागि सबै एनआरएनए नेपालीलाई सचिव न्यौपाने आग्रह गरे ।  फरक प्रसंगमा सचिब न्यौपानेले एनआरएनएमा फ़रक मत राखी छुट्टै एनआरएनए संचालन गरेकाहरूलाई आफूहरू हदैसम्म लचिलो भएर एकता र सहकार्यका लागि तयार रहेकोले एकिकृत भएर काम गर्नका लागि अनुरोध समेत गरे ।  जापानमा रहेका एनआरएनए अभियन्ता, व्यावसायी, पत्रकार लगायतको उपस्थिति रहेको अन्तरक्रिया कार्यक्रमको अध्यक्षता एनआरएनए जापानका अध्यक्ष नविन निउरेले गरेका थिए। महासचिव टिकाराम खरेलको संचालनमा सम्पन्न कार्यक्रमको उद्देश्यको बारेमा प्रवक्ता खगराज गौतमले र स्वागत मन्तव्य उपाध्यक्ष सिद्दार्थ श्रेष्ठले गरेका थिए ।  अन्तरक्रिया कार्यक्रममा सहभागीहरूले एनआरएनए लगायतका विषयमा जिज्ञासा राखेका थिए ।  कार्यक्रममा अध्यक्ष नविन निउरेले आइसीसीलाई बिभिन्न ८ बुँदामा सुझाव राखेका थिए । ती सुझावहरू निम्नानुसार रहेका छन ।  १- एनआरएनए एनसीसी र एनआरएनए आइसीसीको अन्तर सम्बन्ध र सहयोग आदानप्रदानको प्रणालीको विकास गरिनु अवको प्रमुख कार्यभारको रूपमा लिनु आवश्यक छ ।  २- एनआरएनएको सदस्यतालाई विधानमा नै संशोधन गरेर भएपनि नियमित रूपमा खुल्ला गरि नवीकरण गर्ने मेकानिजमको व्यवस्था गर्नुपर्ने  ३- आइसीसी डेलीगेस्टमा छनोट पद्दतिको अन्त गरि एनआरएनए सदस्य जो कोहिले पनि मतदान गर्ने व्यवस्था गरिनुपर्ने ४- नेपालको चिनारीलाई एनआरएनएले मुख्य कार्यभारको रूपमा लिने गरि योजनातर्जुमा गरिनु पर्ने, त्यसका लागि एनएसीसीको भूमिका के आइसीसीको भूमिका के स्पष्ट ज़िम्मेवारी तोकिनु आवश्यक रहेको  ५- एनआरएनएले नेपालको निर्वाचनमा मतदान गर्ने व्यवस्थाका निम्ति पहल गरिनु पर्ने र सोहि अनुरूपका कार्यक्रम  तर्जुमा गरिनुपर्ने  ६- नेपालको कला सस्कृति रीतिरिवाज चालचलनलाई दोस्रो पुस्तामा हस्तान्तरण गर्ने निर्दिष्ट कार्यक्रम संचालन गरिनुपर्ने ७- सुरक्षित वैदेशिक रोज़गारका लागि सरोकारवालासंगको समन्वयमा एनएसीसीसहितलाई समावेश गरि सचेतनामूलक कार्यक्रम गरिनु पर्ने ८- आइसीसीका कार्यक्रममा एनएसीसीले हरेक अवस्थामा सहयोग गरि रहेकोले अब आइसीसीका वार्षिक कार्ययोजना बनाउदा एनएसीसीका योजनालाई पनि समावेश गरेर जानु पर्ने 

जापानबासी नेपालीहरुका साझा समस्याहरुको संयुक्त रुपमा सम्बोधन गर्न एक साझा संयन्त्र गठन गरिने जापानबासी नेपालीहरु बीच विद्यमान साझा समस्याहरुको संयुक्त रुपमा सम्बोधन गर्न एक साझा फोरमको निर्माण गरिने भएको छ ।गैर आवासीय नेपाली संघ, राष्ट्रिय समन्वय परिषद् जापानद्वारा आइतबार जापानको टोकियोमा सम्पन्न ‘जापानमा रहेका संघ संस्थासँग समन्वयात्मक सहकार्यका लागि अन्तरक्रिया’ कार्यक्रमबाट उक्त फोरम निर्माण गरेर नेपालीको वृहत्तर हितको लागि समन्वयकारी भूमिका गर्दै मानवीय समस्या समाधानमा केन्द्रित रहने निचोड निकालिएको हो । साझा फोरमको निर्माणका लागि भुषण घिमिरे, तिलक मल्ल, डा. बलराम श्रेष्ठ, जिज्ञानकुमार थापा र सालिकराम भण्डारी रहेको एक कार्यदल गरि उक्त कार्यदलको समयाबधि एक हप्ता सिमामा संयन्त्र गठनको खाका र कार्यविधि तय गर्ने साथै संयन्त्रका लागि नामावली सिफारिश गर्ने सम्मको जिम्मेबारी प्रदान गर्ने गरिएको छ । जापान स्थित नेपाली समुदायको हितका लागि स्थापित भै क्रियाशिल रहेका सामाजिक संघ संस्था र नेपाली दूतावाससँग नेपालीहरूलाई केन्द्रित गरि सहयोग र सेवा प्रदान गर्दा एकरूपता ल्याउदै समन्वयात्मक र सहकार्यमा कार्य गर्दा सेवा प्रवाहमा सरलता प्रभावकारी र दोहोरोपनामा कमि ल्याउनलाई सहज हुनेमा अन्तरक्रिया फलदायी रहेको एनआरएनए जापानका अध्यक्ष नविन निउरेले बताए । ‘सहकार्यको आवश्यकता, औचित्य र त्यसपछि गरिनुपर्ने भूमिकासहितको जिम्मेबारीका बारेमा साझा बुझाई कायम भएको छ ।’ अध्यक्ष निउरेले भने- “साझा फोरमको रूपमा गठन गर्न लागिएको सम्यन्त्रलाई कामकाजी बनाउन र समस्याको (इण्ट्री) प्रस्थान विन्दु बनाइनका लागि उक्त फोरम उपयुक्त हुने छ ।”जापानका लागि नेपाली राजदूतावासका कार्यबाहक राजदूत अम्बिकाप्रसाद जोशीले राजदूतावासले समन्वकारी भूमिका निर्बाह गर्न तयार रहेको बताउदै व्यवस्थित ढंगले सहयोग आदानप्रदान गरिनुपर्नेमा जोड दिएका थिए । कार्यक्रममा जापानका नेपालीहरुको वर्तमान अवस्थाको बारेमा एनआरएनका पूर्व महासचिव जिज्ञानकुमार थापा, नेपाली संघसंस्थाहरुबीच सहकार्य र समन्वय कायम गर्दै समस्या समाधानका लागि साझा धारणा बनाई अगाडि बढ्नका लागि तय गरिनुपर्ने मार्गचित्र बिषयक अवधारणपत्र पत्रकार तिलक मल्ल, जापानमा एनआरएन, संघसंस्था र नेपाली राजदूतावासबीचको कार्यगत एकता सम्बन्धमा एनआरएन आइसीसी उपाध्यक्ष भूषण घिमिरे र जापानमा बस्दै गर्दा अत्यन्त ध्यान दिनुपर्ने फौजदारी तथा श्रम सम्बन्धि कानूनी प्रावधानका बारेमा जापान नेपाल चेम्बर अफ कमर्शका अध्यक्ष डा. बलाराम श्रेष्ठले प्रस्तुतिकरण दिएको कार्यक्रममा उपस्थित विभिन्न व्यक्ति व्यक्तित्वले राय सल्लाह सुझाव र प्रतिक्रिया राखेका थिए । जापानमा क्रियाशील अधिकांश संघ सस्थाको सहभागिता रहेको उक्त अन्तरक्रियाबाट १६ बुंदे साझा निष्कर्ष निकालिएको एनआरएनए जापानका प्रवक्ताद्वारा सोमबार जारी गरिएको प्रेस नोटमा उल्लेख गरिएको छ ।जापानबासी नेपालीको हक हित र नेपालको चिनारीलाई थप उचाइमा पुर्याउनका लागि एनआरएनए जापान भूमिका र गतिविधि केन्द्रीत हुनुपर्ने, कार्यक्रमहरु प्रचारमुखी भएकाले परिणाममुखी गराइनु पर्ने, नेपाली संघसंस्थाहरुद्वारा आयोजना गरिने कार्यक्रमलाई अधिकतम ब्यवस्थित गर्ने, नकारात्मक समाचारहरुलाई न्युनिकरण गर्दै सकारात्मक सन्देश दिने समाचारलाई प्राथमिकता दिन अभिप्रेरित गरिनुपर्ने लगायत रहेका छन ।प्रेस नोटमा उल्लेख भएको अन्तरक्रिया कार्यक्रमका अन्य निष्कर्षहरूमा आर्थिक अभियान संचालनलाइ व्यवस्थित र उदेश्यमुलक बनाउन जोड दिदै सहयोग फण्ड संचालनको नीति अपनाउनु पर्ने, जापानी नीति नियम र कानूनको सामान्य ज्ञानको कमिले कानुनी झमेलामा परिरहेको पाइएकाले सचेतनामूलक कार्यक्रमहरु संचालन गरिनु पर्ने आवश्यकता औल्याइएको छ ।कार्यक्रममा नेपाली राजदूताबास, एनआरएनए आइसीसीका जिम्मेवार व्यक्तित्व, एनआरएनए जापानका पदाधिकारीसहित सदस्य,जापानमा क्रियाशिल संघ संस्थाका प्रमुख वा प्रतिनिधि, क्षेत्रीय समितिका प्रतिनिधि, समाजका प्रतिष्ठित व्यक्तित्व, व्यवसायी पत्रकार लगायतको सहभागिता रहेको थियो ।एनआरएन जापानका अध्यक्ष नविन निउरेको अध्यक्षता र नेपाली राजदूतावासका उपनियोग प्रमुख अम्बिका जोशीको प्रमुख आतिथ्यतामा भएको सो संयुक्त अन्तरक्रिया कार्यक्रममा एनआरएन जापानका उपाध्यक्ष समेत रहेका कार्यक्रम संयोजक सिध्दार्थ श्रेष्ठको स्वागत मन्तब्य रहेको थियो । यसैगरी प्रवक्ता खगराज गौतमले कार्यक्रमको औचित्यमाथि प्रकाश पार्दै बिषयमा प्रवेश गराएका थिए । यसैगरी कार्यक्रममा टिप्पणीकारको भूमिकामा रहेका अन्तर्राष्ट्रिय नेपाली साहित्य समाज जापानका अध्यक्ष रबिन शर्माले कार्यक्रमका सम्बन्धमा आफ्नो समीक्षात्मक टीप्पणी प्रस्तुत गरेका थिए ।कार्यक्रमको अन्तमा, छलफलमा उठेका बिषयहरुसंग सम्बन्धित जिज्ञासाको अध्यक्ष निउरेले जबाफ दिएका थिए । अन्तरक्रिया कार्यक्रमको महासचिव टिकाराम खरेल र प्रवक्ता खगराज गौतमले सञ्चालन गरेका थिए ।

1-17-5 – 506, Hyakunincho, Shinjuku-ku, Tokyo 169-0073, Japan

Teej Program हार्दिक आमन्त्रणका साथै विषेश अनुरोध एनआरएनए जापानले सेप्टेम्बर १९ तारिक मंगलवार हरितालिका तीजसँगै ऋषि पञ्चमीको अवसर पारेर तिज तथा ऋषि पञ्चमी बिशेष कार्यक्रमको आयोजना गरेको छ। जापानमा रहनु भएका दिदीबहिनीहरुको विशेष सहभागितामा दिदी बहिनीहरुलाई मनोरन्जनसगै शुभकामना आदान प्रदान गरि आत्मीयता, सद्भाव बढाउदै रितीरिवाज, सस्कृतिलाई जगेर्ना गर्नु हाम्रो कर्तव्य सम्झी जापानमै जन्मेर हुर्कदै गरेका हाम्रा साना, साना छोरा-छोरीहरूलाई तीजको मौलिकता झल्काउने कार्यक्रम रहेको हुदा सहभागिता भई सफल बनाईदिनुहुन सम्पूर्णलाई हार्दिक निमन्त्रणा गर्दछौ। हाम्रो तीजमा गाइने मौलिक गीत,नृत्य चाडबाडमा लगाईने सस्कृति झल्कीने नेपाली पोशाकको प्रोत्साहन स्वरूप पुरस्कारको व्यवस्था समेत गरिएको समेत जानकारी गराउदै विशेष नेपालकै सॅास्कृतिक पद्धति अनुसार पुरोहितबाट ऋषि पञ्चमी पूजा सम्पन्न गरि दिदिबहिनीहरुलाई सामूहिक तीजको निःशुल्क दर खुवाउने ,तीज गीत र नृत्य गरी रमाइलो गरीने भव्यताका साथ यसपालिको तिज मनाउने कार्यक्रम रहेको समेत जानकारी गराउदछौ। परदेशी भूमिमा रहनु भएका हाम्रा दिदिबहिनीहरुले तीजमा माइतीको अलीकती भए पनी झल्को मेटाएको अनुभव गर्नु हुनेछ भन्ने हामीले विश्वास लिएका छौ।उक्त कार्यक्रममा जापानमै रहनु भएका हाम्रा लोकप्रिय लोक तथा दोहोरी गीतका कलाकारहरुको पनि विशेष प्रस्तुति रहने छ ।जापानमै रहनु भएका हाम्रा लोकप्रिय कलाकारहरुसगै गीत गाउदै छमछमी नाचेर भरपुर मनोरन्जन लिनका लागि आजैबाट सेप्टेम्बर १९ तारिकको दिन समय व्यवस्थापन गर्नुहुन समेत हामी सबैलाई हार्दिक अनुरोध गर्दछौ। साथमा तिजमा हाम्रा आमा हजुरआमाहरुको पालामा गाइने मौलीक गीत गाएर ,छमछमी नाचेर यो कर्मभूमिको आगनमाबाट हाम्रो जन्मभूमिको आगनमा पारिवारिक, इष्ट मित्र, छरछिमेकी र साथीसंगीसंगको जमघटमा मनाइने बिशेष सस्कृति बोकेका चाडबाडको महत्व, बिशेषतासगै खुसीयाली र मनोरन्जन दिलाउने उदेश्यका साथ यो कार्यक्रमको आयोजना गरेको हुदा सल्लाह,सुझाव सहित सहयोगको अपेक्षा गर्दछौ।पक्कै पनि यस्ता कार्यक्रमले एक आपसमा सद्भाव, आत्मीयता बढाउन मद्दत पुग्ने छ त्यसका साथै नया पुस्ताले पनि यो कार्यक्रम प्रत्यक्ष हेरेर अथवा मिडिया मार्फत देखेर, सुनेर, तीजको गरिमा,महत्व र विशेषता थाहा पाउनुहुनेछ भन्ने आशा अनि विश्वास लिएका छौ।धन्यवाद। एनआरएनए जापान परिवार। स्थान : चौतारो रेस्टुरेन्ट कामाता टोकियो समय : बिहान १० :०० बजेदेखि दिउसो ४: ०० बजे सम्म

1-17-5 – 506, Hyakunincho, Shinjuku-ku, Tokyo 169-0073, Japan

May 25, 2023 By: nrnancc japan / 0 comment NRNA CUP Volleyball has been successfully Finished. NRNA Cup 2023 has been successfully organized in Shinjuku ,Tokyo Japan. Thank you very much for all supporters and congratulation for winner .

1-17-5 – 506, Hyakunincho, Shinjuku-ku, Tokyo 169-0073, Japan