June 10, 2024 By: nrnancc japan / 0 comment हार्दिक धन्यवाद (Nepal Festival Nagoya 2024) नेपालको कला र संस्कृतिलाई विश्वसामु चिनाउने र प्रवासमा रहेका नेपालीलाई ऐक्यबद्धता गर्दै नेपालीहरुको अपनत्व अनुभूति गराउने उद्देश्यसहित जापानको नागोयामा आयोजित तेस्रो नेपाल फेस्टिभल सफलताका साथ सम्पन्न भएको छ । गैर आवासीय नेपाली संघ जापान क्षेत्रीय समिति नागोयाको आयोजना आदिबासी जनजाती महासंघ जापान क्षेत्रीय नागोयाको मुख्य सह आयोजना साथै विभिन्न संघ संस्थाहरुको सह आयोजनामा आयोजित दुई दिने नेपाल फेस्टिबल नागोया २०२४ ले उदेश्य अनुरूप कार्य सम्पन्न गर्न सकेको विश्वास मैले लिएको छु । तेश्रो नेपाल फेस्टिवल नागोयामा नेपाली तथा जापानीहरुको उत्साहजनक उपस्थिति, जापानका विभिन्न क्षेत्रबाट विभिन्न संघ संस्था सामाजिक व्यक्तित्व व्यावसायिक व्यक्तित्व लगायतको उपस्थितिले फेस्टिवलको उद्देश्यलाई एक्यवद्धता गर्दै अनुमोदन गरेको महसुश मैले गरेको छु। फेस्टिवल सम्पन्न गर्नका लागि योजना बनाउने योजनालाई कार्यान्वयन गर्न अहोरात्र खटिनु हुने एनआरएनए क्षेत्रीय समितिका सम्पूर्ण टिम, त्यहाँका विभिन्न संघ संस्था एनआरएनए अभियन्ता सामाजिक व्यक्तित्वका साथै सम्पूर्ण नेपाली दाजुभाइ दिदी बहिनीहरु प्रति धन्यवाद व्यक्त गर्दछु। फेस्टिवल महत्व दिएर कार्यक्रम समुपस्थित हुनु हुने आइची केनका गभर्नर ज्यू जापानका लागि नेपाली दुतावास टोकियोका महामहिम राजदूत डा दुर्गाबहादुर सुवेदी ज्यूप्रति आभार प्रकट गर्दछु। लगायत आमन्त्रित अतिथिगण हरेक कोणबाट योगदान पुर्याउनु हुने, अमुल्य साथ र सहयोग गर्नु हुने सम्पूर्णप्रति धन्यवाद व्यक्त गर्दछु। नविन निउरे अध्यक्ष, एनआरएनए जापान

प्रेस नोट-टोकियो चिबा घुम्ती सेवा-२०२४ जापानका लागि नेपाली दुतावास टोकियो जापानको आयोजना गैर आवासीय नेपाली संघ जापानको संयोजनसहितको सहकार्य तथा एनआरएनए जापान क्षेत्रीय समिति कान्ताे, एनआरएनए जापान क्षेत्रीय समिति चिबाको व्यवस्थापकीय सहयोग एवं जापानमा रहेका अन्य नेपाली संघ संस्थाहरुको सहयोगमा २०२४ में १८ देखि २४ सम्म हिमालयन इन्टरनेशल स्कूल कोइबा र एभरेष्ट इन्टरनेशनल स्कूल टोकियोमा सञ्चालित राहदानी सम्बन्धी कार्यका लागि सप्ताहव्यापी टोकियो- चिबा घुम्ती सेवा-२०२४ मार्फत जापानमा रहेका १ हजार ८ सय ६ जना नेपाली दाजुभाइ दिदीबहिनीहरूले नयाँ राहदानीको लागि आवेदन, म्याद सकिएका र सकिने अवधि नजिकिएका राहदानीको नवीकरणका लागि सेवा लिनु भएको छ। सो कार्यबापत राज्यलाई ३ करोड ८७ हजार जापानी येन राजस्व प्राप्त भएको छ। जापानमा नेपालीको जनसख्या दिनप्रति बढ्दै गइरहेको र बढेको जनसङ्ख्या कै आधारमा राज्यको निकायबाट प्रदान गरिने सेवा सुविधा पनि सोही आधारमा बढ्नु स्वाभाविक नै हो। जापानमा रहेका नेपालीहरुले राहदानी नयाँ बनाउने र नवीकरण गर्नेको माग बढिरहेकोले राज्यले तोकिएको प्रणालीमार्फत इनरोल्मेन्ट फारम भरी सेवा लिन असहजता भएको भन्ने व्यापक जनगुनासोलाई सम्बोधन गर्दै राहदानी सम्बन्धी कार्यलाई सहज रुपमा सेवा प्रदान गर्नका लागि विशेषत टोकियो र चिबा र यस आसपासका क्षेत्रलाई केन्द्रित गरेर टोकियो चिबा घुम्ती सेवा-२०२४’ सञ्चालन गरिएको हो । हाम्रो उदेश्य जापानबासी नेपालीहरूले सहज सरल र पहुँच योग्य रुपमा राज्यका सेवा लिन सकुन् भन्ने नै हो । यस अवधिमा नयाँ राहदानीका लागि आवेदन र २०२४ डिसेम्बर सम्ममा राहदानीको अवधि रहेकाहरुका जापानबासी नेपाली नागरिकहरुको विभिन्न व्यवस्थापकीय कार्य सहजताका लागि अप्रिल ५ सम्ममा गुगल फारममार्फत संकलित तथ्याङ्कलाई मुख्य आधार बनाएर सेवा प्रदान गरिनुका साथै उक्त फारम भर्न छुट्नु भएका र सेवा लिन आउनु भएकाहरुलाई समेत सेवा प्रदान गरिएको जानकारी गराउँदछौं। घुम्ती सेवामा एनआरएनए जापानको तर्फबाट सेवा अवधि भर सहजीकरणका लागि सम्पूर्ण भूमिका निर्वाह गरिएको थियो । दूतावासको घुम्तीटोलीसँग निकटमा रहि मुख्यत एनआरएनए जापानको तर्फबाट व्यवस्थापकीय कार्य अन्तर्गत सेवा सञ्चालनका लागि हल,खाजा खाना व्यवस्थापन, डकुमेन्टटेशनमा सहयोग, स्वयंसेवक परिचालन, जानकारी संकलनका लागि गुगल फारम तयार गरी व्यवस्थित गर्न सहयोग, सूचना तथा जानकारी सम्प्रेषणमा आवश्यक सहजिकरण गरिएको छ । राहदानी सम्बन्धी कार्यका लागि दुतावासले तोकेका कागजात दस्तुर लिएर र एनआरएनए जापानले तय गरेको व्यवस्थापकीय मापदण्ड पुरा र पालना गरी राहदानी सम्बन्धी घुम्ती सेवा सभ्य, मर्यादित र व्यवस्थित रुपमा सेवा लिनु हुने सम्पूर्ण नेपाली दाजुभाई तथा दिदीबहिनीहरुप्रति धन्यवाद व्यक्त गर्दछौं। टोकियो चिबा घुम्ती सेवा-२०२४ सञ्चालनका लागि स्थल उपलब्धतासहित व्यवस्थापन गरिदिनु हुने एभरेष्ट इन्टरनेशनल स्कूल टोकियो जापान र हिमालयन इन्टरनेशल एकेडेमी स्कुल कोइबा जापानका व्यवस्थापन समितिका पदाधिकारी प्रिन्सिपलसहित शिक्षक कर्मचारी ज्यूहरुप्रति विषेश आभारसहित धन्यावाद व्यक्त गर्दै आगामी दिनमा समेत यस्तै सहकार्यको अपेक्षा गर्दछौं । सप्ताहव्यापी राहदानी वितरणजस्तो संवेदनशील कार्यका लागि स्थानीय व्यवस्थापकीय कार्य र स्वयम् सेवक परिचालनमा अहोरात्र खटिनु हुने एनआरएनए जापान क्षेत्रीय समिति कान्तो र एनआरएनए जापान क्षेत्रीय समिति चिबाको संयोजकसहित सम्पूर्ण कार्यसमिति परिवार, सहज रुपमा सेवा प्रदान गर्नका लागि समय तालिका निर्धारण, कार्य बाँडफाँडसहितका आवश्यक कार्यका लागि समन्वय गर्नु हुने घुम्ती सेवा सञ्चालनका लागि एनआरएनए जापानको तर्फबाट संयोजक सुभास लामिछाने, घुम्ति सेवा सञ्चालनका क्रममा निरन्तर खटिनु हुने एनआरएनए जापानका अध्यक्ष, उपाध्यक्ष,महासचिव लगायत सम्पूर्ण कार्यसमितिका पदाधिकारी तथा सदस्य ज्यूहरु, एनआरएनए अभियन्ता, समाजसेवी, जापानमा क्रियाशील रहनु भएका संघ संस्थाहरुमार्फत स्वयम् सेवा कार्यमा खटिनु हुने महानुभावहरुप्रति सादरपूर्वक आभार प्रकट गर्दछौं। नागरिकले सहज सरल र पहुँच योग्य रुपमा राज्यका सेवा लिन सकुन् भन्ने ध्येय राखी घुम्ती सेवामार्फत सेवामा सहजता ल्याइनु पर्छ भन्ने मान्यता राखी योजना ल्याउनु हुने र सो योजनामा संयोजन र सहकार्य गर्ने अवसर प्रदान गर्ने जापानका लागि नेपाली दुतावास टोकियो जापानप्रति कृतज्ञ छौं। नेपाल सरकारको नागरिकहरुप्रतिको जवाफदेहिताका लागि नेपाली दुतावासले र जापानमा रहेका नेपालीको सेवामा समर्पित रहि सेवामा सहजता ल्याउन लागि एनआरएनए जापानको व्यवस्थापकीय भूमिकामा घुम्ती सेवालाई बाँकी रहेका क्षेत्रहरुमा समेत यथाशीघ्र मिति तय गरिने समेत जानकारी गराउँदछौं। जापानबासी नेपालीको सेवामा एनआरएनए जापान सदा क्रियाशिल रहि रहने प्रतिबद्धता समेत पुन दोहोर्याउन चाहन्छौं । धन्यवाद एनआरएनए जापान २०२४ में २४ तारिख

ネパールフェスティバル名古屋 / Nepal Festival Nagoya  हाम्रो देश नेपालको कला संस्कृतिको संरक्षण गर्दै कला र संस्कृतिलाई जापानी समुदायमा परिचित गराउनुका साथै जापनिज नागरिकहरुलाई नेपाल भ्रमणको निमन्त्रणा दिने मुख्य उद्देश्यले मिति २०२४-०६-०८ तारिखि शनिवार र ०९ तारिख अइतवार जापानको नागोया शहरकमा एनआरएनए जापान नागोया क्षेत्रिय समितिको आयोजनामा हुन गइरहेको नेपाल फेस्टिवल नागोया २०२४ मा गरिमामय उपस्थितिको लागि सम्पूर्ण जापानबासी नेपाली दाजुभाइ तथा दिदिबहिनीहरुलाई हार्दिक निमन्त्रणा गर्दछौं। साथै कार्यक्रमलाई भव्यताका साथ सम्पन्न बनाउनका निमित्त आफ्नो आफ्नो स्थानबाट आर्थिक, भौतिक, नैतिक जेजसरि साथ, सहयोग र समर्थ गर्न सक्नु हुन्छ आफुले सकेको साथ, सहयोग र समर्थन गरिदिनुहुन सम्पूर्ण जापानबासी विशेष गरि नागोयाबासी नेपाली दाजुभाइ तथा दिदिबहिनीहरु माझ हार्दिक अपिल गर्दछौं । हाम्रो देश नेपाल र नेपाली लाई चिनाउने यस सुवर्ण अवसरलाई एकीकृत भएर सक्रिय रुपमा लागि परौ भन्ने विनम्र अनुरोध गर्दछाैं।

1-17-5 – 506, Hyakunincho, Shinjuku-ku, Tokyo 169-0073, Japan

मेयरद्वारा आभार व्यक्त नयाँ वर्षका दिन जापानको ईशिगावा प्रिफेक्चरमा गएको भुकम्पका कारण प्राकृतिक विपत्तिमा परेका जापानी नागरिकहरूलाई पहिलो चरणमा खाना खुवाएकोबाट प्रभावित भै त्यहाँको नानाओ सीले पुन खाना खुवाइदिन गरेको औपचारिक अनुरोधलाई स्वीकार गरि नानाओ सिटि मिसोगी कम्युनिटि सेन्टर १२० इसिजाकी विद्यालय २००, सान्नो विद्यालयमा १५० नोतो हान्तो कम्युनिटि सेन्टरमा १०० र बुधबार मिसोगी कम्युनिटि सेन्टर १२० गरि जम्मा ६९० जनालाई खाना खुवाइएकोमा त्यहाँका मेयरद्वारा आभार व्यक्त गरेको पत्र प्राप्त भएको छ। त्यस क्षेत्रमा भूकम्प पिडितहरुलाई खाना उपलब्ध गराउने एनआरएनए जापान पहिलो संस्था रहेको उल्लेख गर्दा खुशी लागेको छ कर्म क्षेत्रमा परेको दुःखलाई थोरै भएपनि सहयोग गर्न पाउँदा आनन्दित त बनाएको थियो नै यस माथि मेयरद्वारा प्रेषित पत्रले प्रफुल्लित परेको छ । यो कार्यमा अहोरात्र खट्नु हुने सम्पूर्ण प्रति हार्दिक आभार प्रकट गर्दछाैं। https://english.kyodonews.net/news/2024/01/122a706489c7-feature-support-helps-lift-spirits-of-foreigners-in-quake-hit-central-japan.html?fbclid=IwAR2uSwrKkzYxai8p06dHn4z2cTDrll-G0h9_Dg2p3aTcP9-esJrNFqvSN4o

March 1, 2024 By: nrnancc japan / 0 comment जापानका पुर्व राजदूत Masamichi Saigo ज्यु र NRNA जापानका प्रतिनिधिहरु बिच छलफल तथा भेटबार्ता 2024, Feb 8 तारिखका दिन नेपालका लागि जापानका पुर्व राजदूत Masamichi Saigo ज्यु र NRNA जापानका प्रतिनिधिहरु बिच बिहान १०:३० देखि ११:३० सम्म १ घण्टा लामो नेपाल,जापान लगायत NRNA जापानको समसामयिक बिषयमा छलफल तथा भेटबार्ता गरिएको छ।उक्त अवसरमा पुर्व राजदुतज्युले आगामी दिनमा दुई देश बिचको बिभिन्न बिषयहरुमा NRNA जापान सँग सहकार्य गरि अघाडि बढ्ने आश्वासन दिनु भएको छ।

हार्दिक आभार व्यक्त मिति २०२४ फेब्रुअरी १९ तारिकका दिन नेपाल वायु सेवा निगमको सेवालाई अझ प्रभावकारी बनाउन जापानबासी नेपाली समुदायको सुझावसहितका धारणा व्यक्त गर्ने उद्देश्यले नेपाल वायु सेवा निगमका कार्यकारी अध्यक्ष श्री युवराज अधिकारी तथा वरिष्ठ अधिवक्ता श्री शुसिल कुमार पन्तसँगकाे अन्तर्क्रियासहित स्वागत तथा भेटघाट कार्यक्रममा सहभागी हुनु हुने निगमका कार्यकारी अध्यक्ष युवराज अधिकारी वरिष्ठ अधिवक्ता सुशिल पन्त महामहिम राजदूत डा दुर्गाबहादुर सुवेदी ज्यू लगायत निगमका कर्मचारी, एनआरएनएका अभियन्ता एनआरएनए जापानका पदाधिकारी तथा सदस्य ज्यूहरु क्षेत्रीय समितिका साथीहरु सल्लाहकार ज्यूहरु विभागीय समितिका संयोजक तथा सदस्य ज्यूहरु पत्रकार मित्रहरु लगायत सम्पूर्णमा हार्दिक आभार व्यक्त गर्दछु। कार्यक्रम फलदायी रहेको हामीलाई लागेको छ। जापानबासी नेपाली ले नेपाल एयरलाइन्सको जहाजका बारेमा गरेको चासो चिन्ता र सेवालाई प्रतिष्पर्धी र प्रभावकारी बनाउन राखेका सुझाव र धारण अत्यन्त उपयोगी र महत्वपूर्ण छन् भन्ने हामीलाई लागेको छ। कार्यक्रममा प्राप्त सुझावलाई कार्यकारी अध्यक्ष ज्यूले आत्मसात गरि कार्यान्वयन गर्नु हुने छ भन्ने विश्वास हामीले लिएका छौं। नेपालीहरुसँग जोडिएका विषय मध्य मृतक नेपालीको शवलाई निःशुल्क नेपाल लैजाने, अस्तुलाई नेपाल पुर्याउने, कार्गोंलाई सस्तों र सुलभ गराउने लगायतका सेवाको सुधार तत्काल गर्नु हुने छ भन्ने विश्वास हामीले लिएका छौं। प्रतिष्पर्धी वायु सेवा कम्पनीको तुलनामा राष्ट्रिय ध्वजाबहाक नेपाल एयरलाइन्सको सेवामा कुनै कमी आउन नदिन र राष्ट्रिय ध्वजाबहाक जहाजमा जापानी भाषाको व्यवस्था, अन्तराष्ट्रिय मापदण्डको खानाको व्यवस्थासहित भाडादरमा समेत समायोजन गर्ने गरि आवश्यक कार्य तत्काल हुने छ भन्नेमा हामी विश्वस्त रहेका छौं। यस कार्यक्रम गर्न आवश्यक संयोजनकारी भूमिका निर्वाह गर्नु हुने संयोजक तथा उपाध्यक्ष सुवास लामिछाने लगायत सम्पूर्ण साथीहरुप्रति आभार प्रकट गर्दछु। साथै हिजो नै जापान भ्रमणमा रहनु भएका बागमती प्रदेश सरकारका आन्तरिक मामिला तथा कानून मन्त्री एबम् प्रवक्ता समेत रहनु भएका गंगानारायण श्रेष्ठ ज्यूको उपस्थितिमा एनआरएनए जापानको आयोजनामा आयोजित अन्तरकृयासहित स्वागत तथा भेट्घाट कार्यक्रममा उपस्थित हुनु हुने सम्पूर्णमा समेत हार्दिक आभार प्रकट गर्दछु। धन्यवाद

March 1, 2024 By: nrnancc japan / 0 comment टाई सिट-2nd NRNA Futsal Running Cup 2024 ‘दोस्रो एनआरएनए फुटसल रनिङ कप २०२४’ फुटसल प्रतियोगिताको लागि २०२४ फेब्रुअरी २५ तारिकका दिन एक कार्यक्रमको आयोजना गरी टाई सिट सार्वजनिक गरिएको सम्पूर्णमा जानकारी गराउँदछौं । प्रतियोगिताको लागि सार्वजनिक भएको टाई सिट अनुसारका टिमहरूले फुटसल सम्बन्धी सर्वव्यापी नियमसहित एनआरएनए जापानले निर्धारण गरेका नीति नियमको पूर्ण पालना गरी अनुशासित मर्यादित भै प्रतियोगितामा सहभागिता रहने छ भन्ने विश्वास एनआरएनए जापानले लिएको छ ।