गैर आवासीय नेपाली संघ (एनआरएनए) जापानले मनायो ‘२१ औं एनआरएन डे’(फोटो फिचर) गैर आवासीय नेपाली संघ (एनआरएनए) जापानले सोमबार टोकियोमा बिबिक्यु (पिकनिक) सहित शुभकामना आदान प्रदान गरेर ‘२१ औं एनआरएन डे’ मनाएको छ । एनआरएन डे, नेपालीहरुको महान पर्व बडा दशैं, दीपावली, नेपाल सम्बत, छठ लगायतका ठूला पर्वहरुको उपलक्ष्यमा एनआरएन जापानले बिबिक्यू (पिकनिक) सहितको शुभकामना आदान-प्रदान कार्यक्रमको आयोजना गरेको हो । कार्यक्रममा नेपाली राजदूतावास टोकियोका उपनियोग प्रमुख हरिहरकान्त पौडेल, एनआरएन आइसीसीका उपाध्यक्ष रोबिन शेरचन, जापान भ्रमणका क्रममा रहेका गुल्मी जिल्ला सत्यवती गाउँपालिका वडा नं. ५ का वडा अध्यक्ष बाबुराम ज्ञवाली लगायतले एनआरएन डे, बडा दशैं, दीपावली, नेपाल सम्वत, छठ लगायतका पर्वहरुको उपलक्षमा शुभकामना ब्यक्त गरेका थिए । सो अवसरमा केक काटेर सबै पर्वहरुको उपलक्ष्यमा एकमुष्ट खुशीयाली मनाईएको थियो । एनआरएन जापानका अध्यक्ष नविन निउरेको अध्यक्षतामा भएको सो कार्यक्रमको सञ्चालन महासचिव टिकाराम खरेलले गरेका थिए । कार्यक्रमको अन्तमा, समापन मन्तब्य राख्दै अध्यक्ष निउरेले ‘एनआरएन डे’ लगायत सबै पर्वहरुको उपलक्ष्यमा शुभकामना ब्यक्त गर्नुका साथै विभिन्न भूमिकामा रहेर कार्यक्रम सफल पार्न सहयोग गर्ने सम्बन्धित सबैप्रति धन्यबाद ज्ञापन गरेका थिए । कार्यक्रममा जापानमा क्रियाशिल विभिन्न नेपाली संघसंस्थाका प्रतिनिधि, एनआरएन अभियान्ता, ब्यवसायी, विद्यार्थी तथा सामाजिक ब्यक्तित्वहरुको सहभागिता रहेको थियो ।

विभिन्न भेषभूषा मौलिक कला सस्कृति र नेपाली संस्कृति अन्तर्गत रहेर प्रतिभा देखाउन इच्छुकहरुलाई सम्पर्क गर्ने बारेमा सूचना जापानमा सम्पन्न हुन गइरहेको १४औं नेपाल फेस्टिवलले नेपाल र नेपालीको पहिचान, नेपालको पर्यटन प्रवर्धन, नेपालको कला संस्कृति रीतिरिवाज परम्परालाई प्रवासमा निरन्तरता दिनका साथै मुख्य गरेर नेपाल हाउस निर्माणार्थ सहयोग जुटाउने उदेश्यले २०२४ नोभेम्बर ३० र डिसेम्बर १ तारिखका दिन जापानको राजधानी टोकियोको नाकानो सिकिनोमोरी पार्कमा १४ औं नेपाल फेस्टिवल-२०२४ गरिन लागिएको जानकारी गराउन चाहन्छौं। नेपालको कला र संस्कृतिलाई विश्वसामु चिनाउने र प्रवासमा रहेका नेपालीलाई ऐक्यबद्धता गर्दै नेपालीहरुको अपनत्वको अनुभूति गराउने यो फेस्टिवल एक माध्यमको रुपमा हुनेछ भन्ने विश्वास हामीले लिएका छौं।यसमा हाम्रो मुख्य उद्देश्य नेपाल प्रवर्धन गर्नु हो। नेपाल र नेपालीलाई बहुसांस्कृक्तिक देश जापानमा परिचय गराउन नियमित रुपमा फेस्टिवल आयोजना गर्दै आएका छौं । यहाँ विश्व भरिबाट आएका महानुभावहरुलाई हाम्रो संस्कृति र संस्कार र पहिचान बारेमा जानकारी दिन अधिकतम प्रयास गरिने छ। यसले नेपालको पर्यटन प्रवर्धन गर्न फेस्टिवल सहयोगी हुने विश्वास लिएका छौं । नेपाल र नेपालीको बारेमा जानकारी दिएर उनीहरु एक पटक भए पनि नेपाल गए भने हाम्रो मातृभूमिको अर्थतन्त्रमा टेवा पुग्ने छ ।पूर्व मेचीदेखि पश्चिम महाकालीमा रहेका मौलिक नेपाली कला संस्कृति, भेषभूषा र रितिरिवाज, नेपालको प्राकृतिक रुपमा रहेका पर्यटकीय स्थलको प्रचार प्रसार लगायत कुरालाई जापानी नागरिकमा पुर्याउन र कला संस्कृतिलाई जापानमा परिचित गराउने उद्देश्यका साथ विशेष गरि नेपाली कला, संस्कृतिलाई प्रर्वद्धन र संरक्षण गर्दै हाम्रो परम्परा हाम्रो संस्कृतिहरूको प्रदर्शन गरिने हुदा जापानमा रहनु भएका नेपाली समुदाय अन्र्तगत विभिन्न भेषभूषा मौलिक कला सस्कृति र नेपाली संस्कृति अन्तर्गत रहेर प्रतिभा देखाउन इच्छुक महानु‌भावहरूले २०२४ नोभेम्बर १५ तारिकसम्ममा आफूले प्रस्तुत गर्ने विधासहित सम्पर्क गर्नु हुन हार्दिक अनुरोध गर्दछौसिद्धार्थ श्रेष्ठसंयोजकसांस्कृतिक कार्यक्रम तथा झाँकी व्यवस्थापन उप समितिनेपाल फेस्टिवल जापान २०२४

१४ औं नेपाल फेस्टिव-२०२४ का लागि स्टल बुकिङ खुल्ला गरिएको बारेमा सूचना गैर आवासीय नेपाली संघ राष्ट्रिय समन्वय परिषद जापान, जापानका लागि नेपाली राजदुतावास टोकियो जापान र नेपाल आदिवासी जनजाति महासंघ जापानको संयुक्त आयोजनामा १४औं नेपाल फेस्टिवलले नेपाल र नेपालीको जापानमा पहिचान, नेपालको पर्यटन प्रवर्द्धन गर्ने, नेपालको कला संस्कृति रीतिरिवाज परम्परालाई प्रवासमा निरन्तरता दिनका साथै मुख्य गरेर नेपाल हाउस निर्माणार्थ सहयोग जुटाउने उदेश्यले २०२४ नोभेम्बर ३० र डिसेम्बर १ तारिखका दिन जापानको राजधानी टोकियोको नाकानो सिकिनोमोरी पार्कमा १४ औं नेपाल फेस्टिवल-२०२४ गरिन लागिएको जानकारी गराउन चाहन्छौं । नेपालको कला र संस्कृतिलाई विश्वसामु चिनाउने र प्रवासमा रहेका नेपालीलाई ऐक्यबद्धता गर्दै नेपालीहरुको अपनत्वको अनुभूति गराउने यो फेस्टिवल एक माध्यमको रुपमा हुनेछ भन्ने विश्वास हामीले लिएका छौं।यसमा हाम्रो मुख्य उद्देश्य नेपाल प्रवर्द्धन गर्नु हो । नेपाल र नेपालीलाई बहुसांस्कृतिक देश जापानमा परिचय गराउन नियमित रुपमा फेस्टिवल आयोजना गर्दै आएका छौँ । यहाँ विश्व भरिबाट आएका मानिसहरुलाई हाम्रो संस्कृति र संस्कार बारेमा जानकारी दिन अधिकतम प्रयास गरिने छ। यसले नेपालको पर्यटन प्रवर्द्धन गर्न फेस्टिवल सहयोगी हुने विश्वास लिएका छौँ । नेपाल र नेपालीको बारेमा जानकारी दिएर उनीहरु एक पटक भए पनि नेपाल गए भने हाम्रो मातृभूमिको अर्थतन्त्रमा टेवा पुग्ने छ ।पूर्व मेचीदेखि पश्चिम महाकालीमा रहेका मौलिक नेपाली कला संस्कृति, भेषभूषा र रितिरिवाज, नेपालको प्राकृतिक रुपमा रहेका पर्यटकीय स्थलको प्रचार प्रसार लगायत कुरालाई जापानी नागरिकमा पुर्याउन र कला संस्कृतिलाई जापानमा परिचित गराउनुका साथै जापानमा रहेका नेपालीहरुको मुख्य चाडको रुपमा चिनिएको नेपाल फेस्टिवल आयोजना स्थलमा विगतमा जस्तै यस वर्ष पनि विभिन्न व्यापारिक व्यावसायिक र सेवामुलक स्टलहरु राख्ने व्यवस्था मिलाइएको छ । स्टलहरुलाइ व्यवस्थित, छरितो र व्यावसायीमैत्री बनाउन यस पटक रेष्टुरेन्ट अर्थात फुड स्टल प्रयोजनका लागि टmरघm का १२ वटा र अन्य व्यावसायिक सेवामूलक प्रयोजनका लागि घmरघm का २५ वटा गरि कुल ३७ स्टल रहने भएको छ ।फेस्टिवल स्थलमा रहने स्टलहरुमा रेष्टुरेन्ट अर्थात् फुड स्टलका लागि तोकिएका स्टलहरुको प्रति स्टल ४० मान जापानी येन भाडा दर र ५ मान येन डिपोजिट गरि ४५ मान येन शुल्क तोकिएको छ भने अन्य व्यावसायिक सेवामूलक प्रयोजनका लागि छुट्याइएको प्रति स्टलको लागि १६ मान येन भाडा शुल्क निर्धारण गरिएको जानकारी गराउँदछौं।नोभेम्बर १० तारिखसम्म स्टल बुकिङका लागि समय निर्धारण गरिएको छ । यो समयभित्रमा First Come First Service को मान्यतामा पहिलो बुकिङ र स्टलको तोकिएको शुल्क भुक्तान गर्नुहुनेलाई पहिलो प्राथमिकताका साथ स्टल उपलब्ध गराइने व्यवस्था रहेको समेत जानकारी गराउँदछौं। साथै नोभेम्बर १५ तारिख स्टल बुकिङको रकम भुक्तानसहित तोकिएको प्रणाली अनुसार स्टल बाँडफाँड गरिने सबैमा जानकारी गराईन्छ । स्टलको बुकिङ गरि रकम भुक्तान गर्नुहुनेहरुले अनिवार्य रुपमा बैंकमा रकम जम्मा गरेको स्लिप स्तल व्यवस्थापन उप समितिको संयोजकलाई उपलब्ध गराउनु पर्नेछ । रक़म जम्मा गर्नका लागि बैंक खाता नम्बर यस प्रकार रहेको छ ।Name of Bank: Mitsui Sumitomo Bank Branch(273): Takatanobaba Branch(支店: 高田馬場)AC NO:5197582イッパンシャダンホウジン　NRNA JAPANस्टल सम्बन्धी जानकारी तथा छलफलको लागि सबै स्टल राख्नुहुने व्यक्ति, व्यवसायी तथा संस्थाहरुलाई जानकारी गराइने छ । १४ औं नेपाल फेस्टिवल-२०२४ मा स्टल राख्न इच्छुक व्यक्ति, व्यवसायी, संस्था लगायतले १४ औं नेपाल फेस्टिवल आयोजक मूल समारोह समिति अन्तर्गतको स्टल व्यवस्थापन उप समितिका सम्बन्धित पदाधिकारी तथा व्यक्तिहरुसंग आवश्यक थप जानकारीको लागि सम्पर्क राख्न सक्नुहुनेछ । स्टल बुकिङका गराउन इच्छुक व्यक्ति, व्यावसायी, विभिन्न संघ संस्था लगायतले तोकिएको स्टल बुकिङ फाराम अनिवार्य भर्नुहुन अनुरोध गरिन्छ । धन्यवादसचिन श्रेष्ठसंयोजकस्टल व्यवस्थापन उप समिति१४ औ नेपाल फेष्टिवल २०२४मिति ः १६ अक्टोबर २०२४

एनआरएनए जापानको ११ औं साधारण सभा विधान संशोधन गर्दै सम्पन्न गैर आवासीय नेपाली संघ राष्ट्रिय समन्वय परिषद् जापानको ११ औं साधारण सभा संशोधित विधान अनुमोदन गर्दै सोमबार जापानको चिवामा सम्पन्न भएको छ।सम्पन्न साधारण सभाले एनआरएनए जापानको विधान २०२१ को संशोधिनसहितको विधान २०२३ मा समयानुकूल परिमार्जित र संशोधित गर्दै कामकाजी बनाउँदै लैजाने उद्देश्य तयार पारिएको संशोधित विधान मस्यौदालाई अनुमोदन गरेको हो ।साधारण सभाको औपचारिक कार्यक्रममा प्रमुख अतिथिको रुपमा रहेका एनआरएनए आइसिसीका उपाध्यक्ष रोबिन शेरचनले एनआरएनएलाई प्रवासमा रहेका नेपालीहरुको अभिभावकीय संस्थाको रुपमा भूमिका निर्वाह गर्ने गरी आफ्ना गतिविधि र क्रियाकलाप गर्नका लागि एनसीसी जापानलाई आग्रह गरेका थिए। ‘एनसीसीका विधानहरुले त्यस मुलुकमा बस्ने समग्र प्रवासी नेपालीहरुलाई समेट्न सक्ने गरि बनाइनु पर्छ।’ आइसीसी उपाध्यक्ष शेरचनले भने- ‘ एनआरएनएलाई प्रवासी नेपालीको साझा संस्था बनाउन र एनआरएनएको अभियानलाई अझ सशक्त बनाउने गरि आफ्ना गतिविधि संचालन गर्न आग्रह गर्दछु।’साधारण सभालाई सम्बोधन गर्दै एनआरएनए आइसिसीका युवा उपाध्यक्ष रोशन थापाले एनआरएनएको छविलाई उच्च राख्न एनआरएनए एनसीसीहरुको भूमिका महत्वपूर्ण हुने भएकोले जापानवासी नेपाली दाजुभाइ दिदीबहिनीहरुको हित र सुरक्षालाई मध्यनजर गरेर कार्य गरिनुपर्ने बताए। सोही कार्यक्रमलाई सम्बोधन गर्दै एनआरएनए आइसिसीका सल्लाहकार तथा एनआरएनए जापानका संरक्षक ओम गुरुङले संस्थाको मर्म र उद्देश्यलाई आत्मसात गर्न सकियो भने मात्र हरेक संस्थाले राम्रो गति लिन सक्ने भएकोले एनआरएनए जापानमा आवद्ध हरेक सदस्यले एनआरएनएको मर्म र भावनालाई आत्मसात गर्दै विधान अनुरूप कार्य गर्न आग्रह गरे । एनआरएनए जापानका प्रमुख संरक्षक शिवप्रसाद पौडेलले एनआरएनए जापानले जापानबासी नेपाली हितमा कार्य गरेकोमा खुशी व्यक्त गर्दै जापानमा रहेका हामी सबै नेपाली नेपाल राष्ट्रको अवैतानिक दूतको रुपमा कार्य गरिनु पर्ने बताए। कार्यक्रम बोल्ने वक्ताहरुले एनआरएनए जापानले गरेका क्रियाकलपहरूले एनआरएनएको साख बढाउन सफल भएको एनआरएनए जापान जापानवासी नेपालीहरुको नजिक साथीको रुपमा रहेर कार्य गरिरहेको र आउने दिनहरुमा पनि जापानबासी नेपालीलाई केन्द्रमा राखेर क्रियाकलाप सञ्चालन गरिनु पर्ने सुझाव प्रदान गरेका थिए । यसरी सुझाव प्रदान गर्नेहरुमा आदिवासी जनजाति महासंघ जापानका अध्यक्ष हवलचन्द्र लामा, एसिया प्यासिफिक क्षेत्रीय समितिका उप संयोजक दिपक कार्की, महिला उप संयोजक अनिता गुरुङ, एनआरएनए जापानका संरक्षक देविलाल भण्डारी, नेपाली जनप्रगतिशील मञ्च जापानका अध्यक्ष मोहन पौडेल, एनआरएनए जापानको विशेषज्ञ समिति सदस्य सालिकराम भण्डारी, क्षेत्रीय समितिहरुको तर्फबाट नागोयाका संयोजक भेषनाथ गौतम लगायतले बोलेका थिए। साधारण सभाले एनआरएनए जापानका महासचिव टिकाराम खरेलद्वारा प्रस्तुत प्रगति प्रतिवेदन र कोषाध्यक्ष दिपक सुनारद्वारा प्रस्तुत आर्थिक प्रतिवेदनलाई पारित गरेको थियो । साधारण सभा एनआरएनए जापानका अध्यक्ष नविन निउरेको अध्यक्षता महासचिव टिकाराम खरेलको सञ्चालन र उपाध्यक्ष सिद्धार्थ श्रेष्ठको स्वागत मन्तव्यसहित सम्पन्न भएको थियो ।

August 27, 2024 By: nrnancc japan / 0 comment ओकिनावा शहर घुम्ती सेवा 2024 कार्यक्रम सम्पन्न नेपाली राजदुतावास जापानको आयोजनामा एनआरएनए जापान एवं क्षेत्रीय समिति ओकिनावाको सहकार्यमा अगस्ट 16 तारिख शुक्रवार र 17 तारिख तारिख शनिवार जापानको ओकिनावा शहरमा घुम्ती सेवा 2024 कार्यक्रम भव्यताका साथ सम्पन्न भयको महसूस गरेको छौं। कुशल व्यवस्थापकिय भूमिका निर्बाह गर्नुभएकोमा ओकिनावा क्षेत्रीय समिति संयोजक देबेन्द्र खड्का ज्यु लगायत संपूर्ण एनआरएनए ओकिनावा परिवारका साथै अहोरात्र खटिदिनुहने सम्पुर्ण स्वयंसेवक मित्रहरु प्रति हृदयदेखिनै हार्दिक आभार व्यक्त गर्दछौ।साथै नेपाली राजदुतावास परिवार प्रति विशेष धन्यवाद व्यक्त गर्दछाैं। आगामी दिनहरुमा पनी यसैगरी घुम्तिसेवा कार्यक्रमलाई निरन्तरताका निमित्त हार्दिक अनुरोध गर्दछाैं।

नेपालका भूकम्प पिडित बालबालिकाको शिक्षामा सहयोगार्थ जापानबाट २३ लाख हस्तान्तरण भूकम्पपीडित बालबालिकाहरूलाई शिक्षामा सहयोगका लागि स्थापना गरिएको शैक्षिक कोषका लागि गैरआवासीय नेपाली संघ जापानले  २३ लाख जापानी येन हस्तान्तरण गरेको छ।   गतवर्ष जाजरकोट केन्द्रबिन्दु भएर गएको भूकम्पका प्रभावित बालबालिकहरूलाई उनीहरूको शिक्षामा सहयोग गर्नका लागि संकलित २३ लाख जापानी येन शनिबार टोकियोमा आयोजित कार्यक्रमकाबीच हस्तान्तरण गरिएको हो।  एनआरएनए आइसिसीका उपाध्यक्ष रविन शेरचन, एनआरएनए जापानका अध्यक्ष नविन निउरेले संयुक्त रुपमा कर्णाली प्रदेश समाजका अध्यक्ष कृष्ण शाहीमार्फत त्यस क्षेत्रका स्थानीय सरकारलाई सो कोष स्थापना गरी उद्देश्य अनुरूप सञ्चालनका लागि रकम हस्तान्तरण गरिएको हाे । भूकम्पमा परी आमाबुवा वा कोही एकको मुत्यु भएकामध्य केही बालबालिकालाई स्थानीय सरकारसँगको समन्वय र सहकार्यमा आधारभुतदेखि एसइईसम्म पढ्नका लागि सहयोग गर्न ‘भूकम्प पिडित बालबालिकाको शिक्षामा सहयोगार्थ शैक्षिक कोष’ स्थापना गरिएकाे थियाे। अभियानबाट संकलित रकमलाई एनआरएनए आइसिसी र भूकम्प प्रभावित क्षेत्रका स्थानीय सरकारसँगको सहकार्य र नीति बमोजिम निश्चित बैंकमा राखी त्यसबाट प्राप्त ब्याजमार्फत उक्त शैक्षिक कार्यमा सहयोग गरिने एनआरएनए योजना रहेको छ।

Matsudo Nepal Festival 2024 हाम्रो देश नेपालको कला संस्कृतिको संरक्षण गर्दै कला र संस्कृतिलाई जापानी समुदायमा परिचित गराउनुका साथै जापनिज नागरिकहरु लाई नेपाल भ्रमणको निमन्त्रणा दिने मुख्य उद्देश्यले मिति २०२४-०९-२२ तारिखि आईतबार जापानको चिबा शहरकमा पहिलो पटक एनआरएनए जापान चिबा क्षेत्रीय कार्यसमितिको आयोजना एवं कान्तो क्षेत्रीय कार्यसमितिको प्रमुख सह-आयोजना तथा नेपाली राजदुताबास जापान, एनआरएनए जापान,Matsudo International Culture Exchange Association (MIEA) सँगको सहकार्यमा आयोजना हुन गईरहेको प्रथम नेपाल फेस्टिवल चिबा २०२४ मा गरिमामय उपस्थितिको लागि सम्पूर्ण जापानबासी नेपाली दाजुभाई तथा दीदीबहिनीहरुलाई हार्दिक निमन्त्रणा गर्दछौ साथै कार्यक्रम लाई भव्यताका साथ सम्पन्न बनाउनका निमित्त आ-आफ्नो स्थानबाट आर्थिक तथा भौतिक रूपमा आफूले सक्ने साथ ,सहयोग र समर्थ गरीदिनु हुन सम्पूर्ण जापान बासी विशेष गरी चिबाबासी नेपाली दाजुभाई तथा दीदीबहिनीहरु माझ हार्दिक अपिल गर्दछौ।हाम्रो देश नेपाल र नेपालीलाई चिनाउने यस सुवर्ण अवसरलाई एकिकृत भई सक्रिय रुपमा लागि पर्न विनम्र अनुरोध गर्दछौ।

साक्षात्कार भेटघाट (माचुदो नेपाल फ़ेस्टीवल) ०२४-०८-२० तारिख जापानका लागी नेपालका राजदूत महामहिम डा. दुर्गा बहादुर सुबेदी ज्यू, माचुदो नगरका नगर प्रमुख मेयर, श्री होन्गोया केन्जी ज्यू तथा एनआरएनए जापान तथा क्षेत्रिय समिति चिवाका पदाधिकारिहरु बीची साक्षात्कार भेटघाट सम्पन्न भयको जानकारि गराउदछौ। जापानको टोकियो माहनगरपालिका सगै जोडिएको माचुदो नगर भित्र हाल बिस हजारको संख्यामा बिदेसी नागरिक हरूको बसोबास रहेको छ, उक्त संख्या मध्य दुई हजार नेपाली समुदायको बसोबास रहेको छ, नेपाल र नेपाली कला संस्कृतिलाई जापानिज समुदाय माझ परिचित गराउन यस बर्ष देखी,माचुदो नेपाल फ़ेस्टीवलको रूपमा सिङगो देशलाई जोड्ने प्रयास स्वरूप गैर आबासिय नेपाली सघ चिवा क्षेत्रिय समितीको प्रमुख आयोजना, नेपाली राजदुताबास जापान,एनआरएनए जापान,माचुदो सिटी, माचुदो अन्तर्राष्ट्रीय एक्सचेन्ज एसोसिएशन,उधोग बाणिज्य सघ माचुदोको सहकार्यमा आगमी ९ महिना २२ तारिक आईतबारको दिन आयोजना हुन गईरहेको प्रथम माचुदो नेपाल फ़ेस्टीवल २०२४ सम्पन गर्नको लागी, जापानका लागी नेपालका राजदूत महामहिम डा. दुर्गा बहादुर सुबेदी ज्यू, माचुदो नगरका नगर प्रमुख मेयर, श्री होन्गोया केन्जी ज्यू, माचुदो अन्तर्राष्ट्रीय एक्सचेन्ज एसोशियसनका प्रमुख ज्यू, उपप्रमुख ज्यू, गैर आबासिय नेपाली संघ जापानका अध्यक्ष श्री नबिन निउरे,माचुदो अन्तर्राष्ट्रिय सांस्कृतिक दूत (सर्जक/ गायक) श्री रामकृष्ण बम मल्ल, फ़ेस्टीवल संयोजक श्री राजन बाबु सुबेदी ज्यु, आर्थिक संयोजक श्री मुक्ति राज रेग्मी ज्यू, र गैर आबासिय नेपाली संघ चिवा क्षेत्रिय समितिका सचिव श्री मोहन कार्की लगायत बिशिष्ठ ब्याक्तित्व ज्यूहरूको उपस्थितिमा आज एक शिस्टाचार भेटघाट सम्पन्न भएको छ। औपचारिक रूपमा सम्पन्न कार्यक्रममा महामहिम डा. दुर्गा बहादुर सुबेदीज्यू ले नेपाली ढाका टोपी, घरबुनुवा गल्बन्दी, र पाल्पाली करूवा प्रदान गरेर नगर प्रमुख ज्यूलाई सम्मान गर्नु भएको थियो, साथै नगर प्रमुखज्यूले पनि महामहिमज्यूलाई मायाको चिनो प्रदान गर्नु भएको थियो । त्यस पश्चात महामहिम ज्यू र नगर प्रमुख ज्यू फ़ेस्टीवलको बिबिध बिषयमा दुई पक्षिय छलफल सम्पन्न भएको थियो, आजको यस कार्यक्रमले पहिलो पटक चिवामा आयोजना गरिएको माचुदो नेपाल फ़ेस्टीवल सम्पन्न गर्नको लागी हामीहरूलाई थप उर्जा र हौसला मिलेको छ। यो उत्साह मुल आयोजक चिवा क्षेत्रिय समिती सगै सम्पुर्ण जापान बासी नेपाली समुदायमा बाढ्दै हजुर हरू सबैको थप माया साथ र सहयोग र सहभागिताको लागी हार्दिक अनुरोध गर्दछौ ।